சூரிய தேவனின் நட்புக் கோள்கள்
சுதமதி செவ்வாய் குருவென் பார் !
சூழும் பகையோ சுக்கிரன் சனியுடன்
சுருட்டை ராகு கேதென் பார்
!
நேரிய மதியின் நட்புக் கோள்கள்
நித்திய உதயன், புதனென் பார் !
நிலவின் பகைமைக் கோள்கள் ராகு
நீசகப் பாம்பு கேதென் பார்
!
செவ்வாய் அழலோன் நட்புக் கோள்கள்
செங்கதிர் அம்புலி குருவென் பார் !
சேந்தன் பகைமைக் கோள்கள் புதனும்
சீறும் ராகும் கேதென் பார்
!
நவ்விய புதனின் நட்புக் கோள்கள்
நன்மணி சுக்கிரன், கனலி, என் பார் !
நகுமதி மட்டும் புதனின் பகையாம்
நவகோள் வானின் விதியென் பார் !
ஆச்சான் குலகுரு தோழமைக் கோள்கள்
ஆதவன், மதி,செவ் வாய்
என் பார்
!
ஆகாக் கோள்கள் வெள்ளியும் புதனும்
அலையும் வானியல் விதியென் பார் !
சுக்கிர பார்கவன் தோழமைக் கோள்கள்
சூழ்புதன் பாம்புகள் சனியென் பார் !
சுடரும், நிலவும், பளிங்கின் பகையாம்
சூழ்பியல் இயக்கும் விதியென் பார் !
மைமுகன் சனியின் தோழமைக் கோள்கள்
சுக்கிர, பாம்புகள், புதனென் பார் !
மந்தன் அணுகா மாதவச் சூரியன்,
மதி,குசன் சனியின் பகையென் பார் !
கைம்பணி இணையின் தோழமைக் கோள்கள்
கலியன் வெள்ளி, சனியென் பார் !
கதிரவன் நிலவு, செவ்வாய் மூவரும்
கட்செவி தமக்குப் பகையென் பார் !
------------------------------------------------------------------------------------------------
சுதமதி = குளிர்நிலவு
சுருட்டை = பாம்பு
நித்திய உதயன் = சூரியன்
செங்கதிர் = சூரியன்
சேந்தன் = சிவப்பு நிறமுள்ளவன்
நவ்விய = அழகு
கனலி = சூரியன்
நகுமதி = நகரும் மதி
ஆச்சான் = ஆச்சாரியன்
பார்கவன் = சுக்கிரன்
சுடர் = சூரியன்
பளிங்கு = சுக்கிரன்
மைமுகன் = கரிய நிறத்தான்
மந்தன் = சனி
---------------------------------------------------------------------------------------------
நட்புக்கோள் கிரகம் பகைக்கோள்
சந் செவ், குரு - சூரியன் - சுக், சனி, ராகு, கேது
சூரி, புதன் - சந்திரன் -
ராகு,
கேது
சூரி, சந், குரு -
செவ்வாய் -
புத,
ராகு, கேது
சூரி, சுக் - புதன் - சந்.
சூரி, சந், செவ். -
குரு -
புத,
சுக்
புத, சனி, ராகு, கேது - சுக்கிரன் -
சூரி,
சந்.
புத, சுக், ராகு, கேது - சனி -
சூரி,
சந், செவ்
சனி, சுக் - ராகு - சூரி, சந், செவ்
சனி, சுக் - கேது - சூரி, சந்,
செவ்.
-----------------------------------------------------------------------------------
ஆக்கம் + இடுகை,
வை.வேதரெத்தினம்,
ஆட்சியர்,
“கணியப்பாடல்” வலைப்பூ,
[திருவள்ளுவராண்டு: 2054,விடை (வைகாசி) 09]
{23-05-2023}
-----------------------------------------------------------------------------------
கருத்துகள் இல்லை:
கருத்துரையிடுக