இருப்பிட மிருந்து ஏழாம் வீட்டினை
எல்லாக் கோள்களும் பார்ப்பது இயல்பு !
சிறப்புப் பார்வை செவ்வாய் குரு,சனி
செவ்வியர் மூவரும் செலுத்திடல் மரபு !
குருவிழி பார்ப்பது குடில்ஐந் தொன்பது
குசன்தனி நோக்கு குடில்நான் கெட்டு !
காரிகன் பார்வையில் மூன்றும் பத்தும்
கடவியல் கோள்களின் கட்புலம் இஃதே !
----------------------------------------------------------------------------------------
செவ்வியர் = தகுதி நிறைந்த
குடில் = வீடு
ஐந்தொன்பது = 5, 9 ஆம் வீடுகள்
குசன் = செவ்வாய்
நான்கெட்டு = 4, 8 ஆம் வீடுகள்
காரியன் = சனி
மூன்றும்பத்தும் = 3, 10 ஆம் வீடுகள்
கடவியல் = விண்ணில் உலா வருகின்ற
கட்புலம் = பார்வை
--------------------------------------------------------------------------------------
ஆக்கம் + இடுகை,
வை.வேதரெத்தினம்,
ஆட்சியர்,
“கணியப்பாடல்” வலைப்பூ,
[திருவள்ளுவராண்டு: 2054,விடை (வைகாசி) 09]
{23-05-2023}
---------------------------------------------------------------------------------------
கருத்துகள் இல்லை:
கருத்துரையிடுக